نوشہرہ ورکاں : سردی سے بچاؤ کیلئے100 طلباء میں گرم ملبوسات تقسیم

نوشہرہ ورکاں (نمائندہ نوائے وقت) خدمت انسانیت کے جذبہ سے سر شار رفاعی تنظیم ماڑی خورد ویلفیئر سوسائٹی نے سردی سے بچاؤ کے لئے 100 طلباء میں گرم ملبوسات تقسیم کیں، مدرسہ قاسم دارالعلوم میں معروف قانون دان چوہدری محمد مدثر حنیف اوجلہ جبکہ گورنمنٹ بوائز اینڈ گرلز ہائی سکول میں چوہدری شاہد اسلم سی ای او منٹھار ٹرانسپورٹ کمپنی نے سکول کے بچوں کو جرسیاں شوز جرابیں ٹوپیاں وغیرہ دیں تاکہ بچے سردی سے محفوظ ہو کر یکسوئی سے اپنا تعلیمی سلسلہ جاری رکھ سکیں، مفتی ناصر محمدد گجر اور ہیڈ ماسٹر رانا قمر شہزاد نے تنظیم کے صدر حاجی نظام دین گجر جنرل سیکرٹری ڈاکٹر سہیل عاشق منج اور دیگر عہدیداران اور مخیر حضرات کا اس کاوش پر شکریہ ادا کیا۔