لاہور( این این ائی)سوئی نادرن گیس پائپ لائنز کے لوڈ مینجمنٹ شیڈول کے تحت لاہور سمیت دیگر علاقوں کے سی این جی سٹیشنز دو روز کھلنے کے بعد دوبارہ بند ہو گئے جبکہ فیصل آباد، سرگودھا، راولپنڈی، بہاولپور ریجنز کے سی این جی سٹیشنز کوآج پیر سے دو روز کیلئے گیس فراہم کی جائےگی۔ ایس این جی پی ایل کی طرف سے لاہور سمیت دیگر علاقوںکے سی این جی اسٹیشنز کو جمعہ کی صبح چھ بجے گیس فراہم کی گئی جو اتوار کی صبح چھ بجے بند کر دی گئی۔ گزشتہ روز بھی سی این جی اسٹیشنز پر فلنگ کرانے والوں کی لمبی قطاریں لگی رہیں۔