لاہور(سپورٹس رپورٹر + نمائندہ سپورٹس)پنجاب سپورٹس بورڈ کی جانب سے نشتر پارک سپورٹس کمپلیکس میں قائم اداروں کی سکیورٹی کو یقینی بنانے کیلئے خط جاری کر دیا گیا۔پنجاب سپورٹس بورڈ کے چیف سکیورٹی آفیسر کی جانب سے نشتر پارک میں قائم 11 مختلف اداروں کو سکیورٹی الرٹ جاری کرتے ہوئے انہیں سکیورٹی اقدامات مزید بہتر کرنے کی ہدایت کی گئی ہے۔ ان اداروں میں پاکستان کرکٹ بورڈ ، پی ایچ ایف،انوائرنمنٹ، پیلاک،الحمرا آرٹس کونسل ،پاکستان سپورٹس بورڈ کوچنگ سنٹر،پاکستان فٹ بال ہائوس،ٹورازم ڈیپارٹمنٹ شامل ہیں۔۔پنجاب سپورٹس بورڈ ڈیپارٹمنٹ کی جانب سے ان اداروں کو ہدایت کی گئی ہے کہ وہ سکیورٹی گارڈز کی تعداد میں اضافہ کریں اور سیکورٹی اقدامات کو بہتر بنائیں تاکہ کسی بھی قسم کے ناخوشگوار واقعہ سے بچا جا سکے۔