سابق جنوبی افریقن کپتان فاف ڈوپلیسی نے ٹیسٹ کرکٹ سے ریٹائرمنٹ لے لی

لاہور (سپورٹس ڈیسک )جنوبی افریقہ کے سابق کپتان فاف ڈوپلیسی نے ٹیسٹ کرکٹ سے ریٹائرمنٹ کا اعلان کردیا۔انہوں نے 2012 ء میں آسٹریلیا کیخلاف ٹیسٹ ڈیبیو کیا تھا اور پہلے ٹیسٹ کی دوسری اننگز میں ناقابل شکست 110 رنز بنائے۔ڈوپلیسی نے 69 ٹیسٹ میچز میں جنوبی افریقہ کی نمائندگی کی اور 36 ٹیسٹ میچز میں جنوبی افریقہ کی قیادت بھی کی۔ڈوپلیسی نے اپنے ٹیسٹ کیرئیر میں 10 سنچریوں اور 21 نصف سنچریوں کی مدد سے 4163 رنز بنائے۔فاف ڈوپلیسی نے پاکستان کیخلاف حالیہ سیریز کی 4اننگز میں 55 رنز بنائے تھے ۔