غیر معمولی کارکردگی دکھانے والے پولیس افسران و اہلکاروں میں نقد انعامات اور تعریفی سرٹیفیکیٹس تقسیم

راولپنڈی (اپنے سٹاف رپورٹر سے)ریجنل پولیس آفیسر عمران احمرنے راولپنڈی ریجن کے چاروں اضلاع میں تعینات افسران واہلکار جنہوں نے سال 2020کے دوران اپنے پیشہ وارانہ امور کی ادائیگی میں غیر معمولی کارکردگی دکھائی انہیںانسپکٹر جنرل آف پولیس پنجاب انعام غنی کی طرف سے خصوصی طور پر بھجوائے گئے نقد انعامات اور تعریفی سرٹیفیکیٹ درجہ اول تقسیم کیے ۔ انعامات و سرٹیفیکیٹ کی تقسیم کیلئے تمام افسران و اہلکاروں کو خصوصی طور پر ریجنل دفتر میں مدعو کیا گیا تھا۔انعامات حاصل کرنے والوں میں راولپنڈی ضلع کے انسپکٹرشجاعت علی بابر،سب انسپکٹر اسامہ سیف اللہ، کانسٹیبلان منتظر عباس،خلیل احمداور محمد کلیم جبکہ ضلع اٹک سے سب انسپکٹر گلفراز احمد اور ضلع چکوال سے کانسٹیبل نعمان عظیم شامل تھے۔