اسلام آباد(سٹاف رپورٹر)شمالی وزیرستان میں سکیورٹی فورسز کے خفیہ آپریشن میںعلیم خان خوشالی گروپ کے 3 دہشتگرد ہلاک ہو گئے۔پاک فوج کے شعبہ تعلقات عامہ (آئی ایس پی آر)کے مطابق  سکیورٹی فورسز نے شمالی وزیرستان کے علاقے میر علی میں خفیہ اطلاع پر آپریشن کیا۔آئی ایس پی آر کے مطابق خفیہ آپریشن دہشتگردوں کی مصدقہ موجودگی کی اطلاع پر کیا گیا، آپریشن میں علیم خان خوشالی گروپ کے 3 دہشت گرد ہلاک ہوئے۔شعبہ تعلقات عامہ کے مطابق دہشتگرد سکیورٹی فورسز پر حملوں، ٹارگٹ کلنگ، اغوا برائے تاوان، بھتہ خوری اورآئی ای ڈی حملوں میں ملوث تھے، آپریشن کے بعد علاقے کو کلیئر کیا گیا۔