بہاولپور(نمائندہ نوائے  وقت، سپیشل رپورٹر، کرائم رپورٹر ) فیس بک پر دوستی ،میکسیکو کی خاتون کی  یزمان کے انجینئر سے شادی کرلی۔ امریکی ریاست میکسیکو سے تعلق رکھنے والی کاروباری خاتون لیڈی سما ماریہ نے دوسال قبل یزمان کے علاقہ چک نمبر54 ڈی بی کے رہائشی انجینئرمحمدادریس کیساتھ فیس بک پردوستی ہوئی تھی۔ کی اوراس کیساتھ شادی کی خواہش ظاہر کی جس پردونوں راضی ہوگئے لیکن کرونا کی وجہ سے اسے پاکستان آنے کاویزہ نہ ملا جس کی وجہ سے اس کی شادی میں تاخیر ہوئی یکم فروری2022 کووہ پاکستان آگئی توانجینئرمحمدادریس کے گھروالوں نے مدرسہ جامعہ اسلامیہ نورالمدارس کے مفتی اقبال احمدنقشبندی کے پاس لے جاکراسے مسلمان کرایابعدازاں محمدادریس کیساتھ عدالت میں اس کانکاح کراکر اس کانام اشمل ادریس رکھاگیابتایاگیاہے کہ انجینئرادریس کی عمر32 سال جبکہ اشمل ادریس 54 سالہ ہے وہ پاکستان میں آکربہت خوش ہے اشمل ادریس کاکہناہے کہ وہ اسلام سے گہری دلچسپی رکھتی ہے اس نے مسلمان ہوکر اپنی دنیااورآخرت سنوارلی ہے انجینئر ادریس نے بتایاکہ اشمل ادریس اسلام کے تقدس کابڑاخیال رکھتی ہے جب اذان ہوتی ہے تووہ ڈوپٹہ اپنے سرپررکھ لیتی ہے نماز اورقرآن سیکھنے میں بھی گہری دلچسپی رکھتی ہے اس نے مزید بتایاکہ اشمل ادریس کومرغیاں پالنے بھینسوں اورگائے کوچارہ ڈالنے کابڑاشوق ہے کھیتی باڑی دیکھنے رقبہ پربھی بڑے شوق سے جاتی ہے انگلش بولنے کے علاوہ اردواورپنجابی بھی سیکھ رہی ہے۔