رائیونڈ: سوتیلے باپ نے چارپائی پر پیشاب کرنے پر 3سالہ بچے کو قتل کر ڈالا

رائیونڈ+ سندر (نمائندہ نواے وقت+ نامہ نگار) سوتیلے باپ نے تین سالہ بچے کو چارپائی پر پیشاب کرنے پر قتل کردیا۔ ملزم غلام عباس نے اپنے سوتیلے بیٹے محمد عباس کو تشدد کر کے مار ڈالا۔ ملزم سوتیلا والد فرار ہوگیا جبکہ پولیس نے والدہ کو حراست میں لے لیا۔ تفصیلات کے مطابق افسوسناک واقعہ قاسم گارڈن جیا بگا روڈ پر پیش آیا تھا۔ جہاں اہل محلہ کی جانب سے پولیس کو اطلاع کرنے پر پولیس نے 3 سالہ بچے عباس علی کی والدہ کو حراست میں لے کر تحقیقات کیں تو اہم انکشافات ہوئے، پولیس ذرائع کے مطابق بستر پر پیشاب کرنے پر عباس علی کے سوتیلے باپ غلام عباس نے تشدد کیا جس کے باعث 3 سالہ بچہ کی موت واقع ہوئی پولیس نے حقائق چھپانے پر بچہ کی والدہ پر بھی مقدمہ درج کر لیا دوسری جانب پولیس ذرائع کے مطابق مقدمہ تھانہ رائیونڈ میں پولیس کی مدعیت میں درج کیا گیا ہے۔
سوتیلا بیٹا قتل