لاہور(سپورٹس رپورٹر) پاکستان سپر لیگ کے پانچویں میچ میں ملتان سلطانز نے پشاور زلمی کو 56 رنز سے شکست دے دی۔ملتان نے پشاور کو جیت کیلئے 211 رنز کا ہدف دیا تھا تاہم بابر الیون 18.5 اوورز میں 154 رنز بناکرآؤٹ ہوگئی۔ملتان سلطانز نے 3 وکٹوں پر 210 رنز بنائے۔ جنوبی افریقی بیٹر رائیلی روسو نے 75 رنز کی اننگز کھیلی، کپتان محمد رضوان نے 66 رنز بنائے‘ڈیوڈ ملر نے 23‘کیرن پولارڈ نے 15اور شان مسعود20رنز بناسکے۔پشاور کے سلمان ارشاد نے 2 کھلاڑیوں کو آؤٹ کیا۔ ہدف کے تعاقب میں پشاور کی پوری ٹیم 18.5 اوورز میں 154 رنز بناکر آؤٹ ہوگئی۔ محمد حارث 40 اور صائم ایوب 53 رنز بناکر نمایاں رہے۔ کپتان بابر اعظم 9 رنز بناکر آؤٹ ہوئے‘ٹام کوہلر کیڈ مورتین ‘رومین پاول تئیس‘بھنوکا راجہ پکسا ایک‘جیمز نیشم بارہ‘وہاب ریاض ایک رن بناسکے۔احسان اللہ اور اسامہ میر نے 3،3 ، عباس آفریدی دو وکٹیں حاصل کیں۔ رائیلی روسو کو میچ کا بہترین کھلاڑی قرار دیا گیا۔ پشاور زلمی نے ملتان سلطانز کیخلاف ٹاس جیت کر پہلے بائولنگ کا فیصلہ کیا تھا۔ ملتان سلطانز 3 میچز کھیل چکی ہے جن میں سے اسے 2 میں فتح اور ایک میں شکست ہوئی ہے جبکہ پشاور زلمی نے 2 میچ کھیلے ہیں اور اسے ایک میں فتح اور ایک میں شکست ہوئی ہے۔