لاہور( نیوز رپورٹر) پاکستان سوسائٹی آف گیسٹرو انٹرالوجی کی 39ویں عالمی کانفرنس 22تا26فروری کو لاہور میں منعقد ہو گی جس کی صدارت پوسٹ گریجویٹ میڈیکل انسٹی ٹیوٹ، لاہور جنرل ہسپتال و امیر الدین میڈیکل کالج کے پروفیسرآف میڈیسن پروفیسر غیاث النبی طیب کریں گے۔چیف آرگنائزر پروفیسر ڈاکٹر اسرار الحق طور نے بتایا کہ 5روزہ کانفرنس میں اندرو ن و بیرون ممالک سے 3ہزار کے قریب طبی ماہرین شرکت کر رہے ہیں۔کانفرنس کے پہلے2دن اینڈوسکوپی، ای آر سی پی،مینو میٹری کے متعلق نوجوان ڈاکٹرز کو عملی تربیت فراہم کی جائے گی۔ یہ کانفرنس جدید طبی تحقیق اور میڈیکل کی تعلیمی سرگرمیوں سے آگاہی کیلئے معدہ و جگر اور میڈیسن کے زیر تربیت ڈاکٹرز کو ایک بہت بڑا پلیٹ فارم مہیا کرے گی ۔