راولپنڈی (اپنے سٹاف رپورٹر سے)ریجنل پولیس آفیسر راولپنڈی ریجن سید خرم علی نے ریجنل دفتر کائونٹر ٹیررازم ڈیپارٹمنٹ راولپنڈی کا دورہ کیا سی ٹی ڈی دفتر آمد پر ریجنل آفیسر سی ٹی ڈی عطا الرحمان و دیگر افسران نے آر پی او راولپنڈی کا استقبال کیا آر او سی ٹی ڈی نے کانفرنس ہال میں آر پی او کو سی ٹی ڈی کی پیشہ وارانہ و آپریشنل صلاحیتوں سمیت دائرہ کار اور دہشت گردی کے ممکنہ خطرات سے نمٹنے کیلئے کئے گئے پیشگی اقدامات اور کارروائیوں کے علاوہ شرپسند عناصر اور کالعدم تنظیموں پر موثر نگرانی کے متعلق تفصیلی بریفنگ دی اسی طرح گرفتار شدہ دہشتگردوںپر قائم کیے گئے مقدمات کی موثر تفتیش اور پیروی کیلئے کی گئی کاوشوں سے آگاہ کیا تاکہ انکو معزز عدالتوں سے قرار واقعی سزا دلوائی جاسکے آر پی او نے کانفرنس کے شرکاء سے گفتگو کرتے ہوئے کہا کہ سی ٹی ڈی راولپنڈی ریجن کے تمام اضلاع کے ساتھ باہمی تعاون کو فروغ دیتے ہوئے سرچ، کومبنگ اور انٹیلی جنس بیسڈ آپریشنز میں مزید تیزی لائیں۔