نوازشریف کی بیٹی مہمان بن کر آرہی،والہانہ استقبال کریں، اسامہ چوہدری  

راولپنڈی(اپنے سٹاف رپورٹر سے) مسلم لیگ ن کے رہنما ء اسامہ چوہدری نے کہا ہے راولپنڈی میں ہمارے قائد میاں نوازشریف کی بیٹی مہمان بن کر آرہی ہے ہمارا فرض ہے کہ ان کی آمدپرایسا والہانہ استقبال کریں کہ پورے ملک میں راولپنڈی شہر نمبر ون بنکر سامنے آئے حلقہ پی پی14سے اگر ہرعہدیدارچارچاربندے بھی لیکر آئے گا تو مجھے یقین ہے کہ سب سے بڑی ریلی اس حلقے سے جلسہ گاہ پہنچے گی ان خیالات کااظہارانہوں نے اپنی رہائش گاہ دانیال پیلس چکلالہ سکیم تھری میں سینئرنائب صدرن لیگ و چیف آرگنائزر مریم نوازکے 19فروری کو راولپنڈی میں ہونیوالے مسلم لیگ ن ورکرزکنونشن کے سلسلہ میں منعقدہ گرینڈ میٹنگ کے شرکاء سے خطاب کرتے ہوئے کیاتقریب کے مہمان خصوصی ن لیگ راولپنڈی ڈویژن کے صدر و سابق ایم این اے ملک ابراراحمدتھے ،تقریب میں چوہدری چنگیز خان  ،خرم شہزاد،محمدجمیل ،شوکت بٹ ،خرم گل،ظفربٹ،چوہدری اورنگ زیب،چوہدری اظہر،حاجی طوراخان،شفیق سابق ممبر کینٹ بورڈ وعہدیداران ،سیاسی و سماجی شخصیات،مسلم لیگ ن کے کارکنان نے بڑی تعدادمیں شرکت کی اسامہ چوہدری نے کہا کہ جب کوئی مہمان آتا ہے تو آپ کافرض ہے کہ اسے عزت دیں ۔  ملک ابراراحمدنے کہا سب سے بڑی ریلی حلقہ پی پی14سے جلسہ گاہ پہنچے گی، تقریب سے چوہدری چنگیز خان سابق وائس پریڈیذنٹ ،خرم شہزاد سابق ممبر کینٹ بورڈ،محمدجمیل ممبر کینٹ بورڈ،شوکت بٹ جنرل سیکرٹری ودیگر نے بھی خطاب کیا۔