امریکی صدر نے صحافی کے سوال پوچھنے پر بریک مانگ لیا

امریکی صدر جوبائیڈن نے صحافی کے سوال پوچھنے پر بریک مانگ لیا۔غیر ملکی میڈیا کے مطابق امریکی صدر مبینہ چینی جاسوس غبارے اور اس کو مار گرانے کے حوالے سے بات کر رہے تھے۔امریکی صدر کے بات ختم کرنے کے بعد ان سے سوال کیا گیا کہ کیا چین سے نمٹنے کی آپ کی اہلیت وہاں آپ کے خاندان کے کاروباری تعلقات کی وجہ سے متاثر ہوئی ہے؟اس سوال پر امریکی صدر نے مسکرا کر کہا کہ مجھے وقفہ دیں۔