ایچ بی ایل پی ایس ایل سیزن 8 میں طلبہ کے لیے ٹکٹس کی فروخت شروع ہوگئی۔کراچی میں پی ایس ایل کے میچز دیکھنے کے خواہش مند طالب علموں کے لیے 50 فیصد رعایت پر ٹکٹیں دستیاب ہوں گی جو آن لائن فروخت نہیں کی جائیں گی۔اس حوالے سے پی سی بی نے کہا کہ طلبہ کے لیے کراچی کے تین مقامات پر ٹکٹس بوتھ بنائے گئے ہیں، اصغر علی شاہ اسٹیڈیم، چائنا گرانڈ نیئر نیشنل کوچنگ سینٹر اور پاکستان ڈس ایبلڈ کرکٹ ایسوسی ایشن میں بھی ٹکٹس دستیاب ہوں گے۔واضح رہے کہ چند روز قبل کراچی میں کچھ طلبہ نے پی سی بی عبوری کمیٹی کے چیئرمین نجم سیٹھی سے ٹکٹس مہنگے ہونے کا شکوہ کیا تھا جس پر انہوں نے کراچی میں طلبہ کے لیے ٹکٹس کی قیمتیں آدھی کرنے کا اعلان کیا۔