موزمبیق: کئی گرجا گھر، مسیحیوں کے مکانات جلا دئیے گئے

ماپوتو(این این آئی)موزمبیق میں کئی گرجا گھروں اور مسیحی کمیونٹی کے مکانات کو آگ لگا دی گئی۔غیر ملکی خبر ایجنسی کے مطابق موزمبیق کے کابودیلگادو صوبے میں کیے گئے حملوں میں کئی افراد قتل کر دیے گئے۔حملوں کے دوران کچھ افراد کو یرغمال بھی بنا لیا گیا، جبکہ سیکڑوں افراد بے گھر بھی ہو گئے۔ان حملوں کی ذمے داری داعش سے تعلق رکھنے والی تنظیم نے قبول کر لی ۔مشرقی موزمبیق میں جاری حملوں میں اب تک 5 ہزار افراد قتل جبکہ 10 لاکھ بے گھر ہو چکے ہیں۔