جنرل ہسپتال میں ری ویمپنگ کی تکمیل ،گرین بیلٹ کی تعمیر:پروفیسرالفرید ظفر

لاہور(نیوزرپورٹر) پرنسپل امیر الدین میڈیکل کالج پروفیسر ڈاکٹرمحمد الفرید ظفر نے لاہور جنرل ہسپتال میں ری ویمپنگ کی تکمیل پر ماحول کو خوشگوار اورصحت افزا بنانے کیلئے گرین بیلٹ کی تعمیر کروا دی ہے جس میں میڈیکل شعبہ سے وابستہ معروف اساتذہ نے موسم بہار کی شجر کاری کرتے ہوئے اپنے اپنے نام کے پودے لگائے ہیں۔ شجر کاری مہم میں حصہ لینے والوں میں پروفیسر محمود ایاز، پروفیسر خالد مسعود گوندل، پروفیسر الفرید ظفر، پروفیسر محمد معین، پروفیسر ندرت سہیل شامل جبکہ اس موقع پر پروفیسر خضر حیات گوندل،پروفیسر فہیم افضل،پروفیسر قمر اشفاق و فیکلٹی ممبران و ہیلتھ پروفیشنلز بڑی تعداد میں موجود تھے۔ پروفیسر الفرید ظفر نے کہا کہ ایک دن یہ پودے تن آور درخت بن کر سایہ مہیا کریں گے اور ماحول کو سر سبزو شاداب بنانے میں مددگارو معاون ثابت ہوں گے۔