راولپنڈی(اپنے سٹاف رپورٹر سے)راولپنڈی پولیس نے پتنگ بازی اور ہوائی فائرنگ کے خلاف2روزہ کریک ڈائون کے دوران 188 ملزمان کو گرفتار کیا گیا، ہزاروں پتنگیں، ڈوریں، شراب، اسلحہ اور ساؤنڈ سسٹم برآمدکرلیا گیا،پوٹھوہار ڈویژن پولیس نے 147ملزمان کو گرفتار کرکے 5300سے زائد پتنگیں،200سے زائد ڈوریں،326بوتلیں شراب، 2پسٹل اور سانڈ سسٹم برآمد کیا،راول ڈویژن پولیس نے 18ملزمان کو گرفتار کرکے 438سے زائد پتنگیں اور15ڈوریں برآمد کیں، صدر ڈویژن پولیس نے 23ملزمان کو گرفتا رکرکے630پتنگیں اور 18ڈوریں برآمد کیں،شہر کے مختلف مقامات پر اونچی عمارتوں کی چھتوں سے مانیٹرنگ کی گئی، ایریا سر ویلنس کے لیے جدید ٹیکنیکل ذرائع بھی بروئے کار لائے گئے ہیں،راولپنڈی پولیس نے موثر اور مربوط حکمت عملی سے پتنگ بازی اورہوائی فائرنگ کی روک تھام کو یقینی بنایا، رواں سال کے دوران 356ملزمان کو گرفتار کرکے 48ہزار سے زائد پتنگیں اور 800کے قریب ڈوریں برآمد کی گئیں۔