کمر کا فریکچر، کائل جیمیسن  اگلے سیزن تک کرکٹ سے باہر

 لاہور(سپورٹس رپورٹر ) نیوزی لینڈ کے فاسٹ بائولر کائل جیمیسن ایک بار پھر کمر کے فریکچر کا شکار ہو گئے۔ نیوزی لینڈ کرکٹ کے مطابق کائل جیمیسن اگلے سیزن تک کرکٹ سے باہر ہو گئے ہیں، سکین میں کمر کا سٹریس فریکچر آیا ہے، سکین جنوبی افریقہ کیخلاف پہلے ٹیسٹ کے بعد کرایا گیا، گزشتہ برس بھی ان کا کمر کا آپریشن ہوا تھا۔ نیوزی لینڈ کرکٹ نے مزید کہا کہ اب فاسٹ بائولر کائل جیمیسن کی سرجری نہیں ہو گی، ان کو آرام کی ضرورت ہے۔