لاہور قلندرز کیساتھ کھیلنے کیلئے پر جوش ہوں : ڈیوڈ ویسا 

لاہور(سپورٹس رپورٹر) لاہور قلندرز کے آل راونڈر ڈیوڈ ویسا نے کہا ہے کہ چھ برسوں سے لاہور قلندرز کے ساتھ منسلک ہوں۔رواں سیزن میں بھی اپنی ٹیم کیساتھ کھیلنے کیلئے پرجوش ہوں۔ہر سیزن نیا ہوتا ہے،آپ اسی کے مطابق کھیلتے ہیں، جو ہوچکا وہ ماضی کا حصہ ہے۔دیگر ٹیمیں بھی مضبوط ہیں،پی ایس ایل میں ٹف میچز ہوں گے۔ہم پر لگاتار تیسری بار ٹائٹل جیتنے کیلئے تھوڑا دباو ہو گا۔ہم سب انجوائے کرتے ہوئے اچھی پرفارمنسز کا مظاہرہ کریں گے۔شاہین آفریدی شاندار کپتان ہیں،وہ نوجوان ہیں اور سیکھ رہے ہیں۔شاہین آفریدی جو بھی فیصلہ کرتے ہیں پوری ٹیم انہیں سپورٹ کرتی ہے۔وہ  میچور کپتان بن رہے ہیں۔ بیٹنگ کو بہتر بنانے کیلئے محنت کر رہے ہیں۔