لاس اینجلس (اے پی پی) فلم ”ٹوائیلائیٹ“ فیم ہالی ووڈ اداکار رابرٹ پیٹنسن اور اداکارہ کرسٹن سٹیوارٹ ایک بار پھر علیحدہ ہوگئے۔ دونوں اداکاروں کے درمیان دوستی ٹوائیلائیٹ فلموں کے سلسلے میں اکٹھے کام کرتے ہوئے پروان چڑھی۔ ذرائع کے مطابق 26سالہ رابرٹ پیٹنسن نے کرسٹن کو کہا ہے کہ ہم اب اپنی دوستی ختم ہی کر دیں تو بہتر ہوگا۔ 22سالہ کرسٹن اور پیٹنسن کے درمیان چار سال سے دوستی ہے گذشتہ سال جولائی میں اس وقت شدید اختلافات اور علیحدگی ہوئی جب یہ افواہیں زور پکڑ گئیں کہ کرسٹن فلم ڈائریکٹر روپرٹ سینڈرز سے شادی کرنے والی ہیں۔