آرمی چیف کے جعلی ٹوئٹر اکاؤنٹ کا انکشاف

اسلام آباد (ثناء نیوز) چیف آف آرمی سٹاف راحیل شریف کے نام سے جعلی ٹوئٹر اکائونٹ کا انکشاف ہوا ہے۔ اکائونٹ پر آرمی چیف کی طرف سے شعر و شاعری اور اقوال کے ذریعے شہداء کو خراج تحسین اور جذبوں کو ابھارا گیا ہے۔ پاک فوج کے ترجمان نے ٹوئٹر اکائونٹ کو جعلی قرار دیدیا۔ اس اکائونٹ پر باقاعدگی سے اپ ڈیٹس بھی کی جاتی ہیں۔ اس اکائونٹ کو جمعہ کے روز بھی اپ ڈیٹ کیا گیا  جب اس بارے میں آئی ایس پی آر سے رابطہ کیا گیاتو پاک فوج کے ایک ترجمان نے بتایا آرمی چیف کا کوئی ٹوئٹر اکائونٹ نہیں ہے یہ جعلی اکائونٹ ہے اس حوالے سے بتایا جاچکا ہے۔