لاہور+ فیروزوالا (نامہ نگاران) لاہور میں 21 لاکھ کی وارداتیں، مزاحمت پر 5 افراد کو تشدد کرکے زخمی کر دیا۔ 8 ڈاکوئوں نے سندر کے علاقہ سلطانکے میں گاڑی میں لدی 8 لاکھ روپے کی اڑھائی سو بوریاں لوٹنے کے بعد مزاحمت کرنے پر ڈرائیور مدثر اور چار پلے داروں کو تشدد کر کے زخمی کر دیا اور فرار ہو گئے ہیں۔ ڈاکوؤں نے ٹائون شپ میں زید اور اس کی فیملی سے5 لاکھ روپے مالیت، ستوکتلہ واپڈا ٹائون میں غلام مصطفی اور اس کی فیملی سے4 لاکھ، ملت پارک یونین پارک میں عثمان اور اس کی فیملی سے3 لاکھ مالیت کی نقدی، طلائی زیورات اورموبائل،گارڈن ٹائون میں بلال سے 60 ہزار اور موبائل، گلشن راوی میں حسیب سے 50 ہزار اور موبائل، مغلپورہ میں عثمان سے 18ہزار اور موبائل لوٹ لئے۔ چوروں نے اسلام پورہ سے ریاض ایڈووکیٹ ، ڈیفنس سے ندیم کی کاریں جبکہ جوہر ٹائون میں سے افراز، نصیر آباد میں سے علی رضا ، شادباغ میں عثمان، داتا دربار میں نواز، اسلام پورہ میں رشید، قلعہ گجر سنگھ میں عمر،گجرپورہ میں عفان،گلشن راوی میں غلام مصطفی، نواب ٹائون میں احسان، ہنجروال میں حبیب، جنوبی چھائونی میں ظہیر، ہربنس پورہ میں احتشام، شفیق آباد میں ساجد، فیکٹری ایریا میں سے شاہد کی موٹرسائیکلیں چوری کر لی ہیں۔ علاوہ ازیں فیروزوالا میں ڈاکوئوں نے گن پوائنٹ پر طاہر اسکی بیوی سے زیورات، نقدی چھین لئے۔ مریدکے میں ڈاکوئوں نے گن پوائنٹ پر صابر مسیح کو پکڑ کر تشدد کرنے کے بعد لوٹ لیا۔ ڈاکوئوں نے گن پوائنٹ پر سخاوت علی سے موٹر سائیکل، نقدی چھین لی۔ چوروں نے عبدالرئوف کے لاکھوں روپے کے مویشی چوری کر لئے، نوسرباز ڈکیت گینگ نے ساجد اقبال کے گھر سے اسکی بیوی سے دو لاکھ روپے رقم اور زیورات چار لاکھ روپے کے چوری کر کے فرار ہو گئے، نامعلوم ڈاکوئوں نے احسن سے موٹر سائیکل اور نقدی چھین لی۔