میلبورن (سپورٹس ڈیسک ) چیک ریپبلک کی کیرولینا پالیسکووا ‘روس کی ایلینا ویسنینا اور فرانس کی علیز کارنٹ فاتحانہ آغاز کرتے ہوئے آسٹریلین اوپن ٹینس ٹورنا منٹ کے ویمنز سنگلز کے دوسرے رائونڈ میں پہنچ گئیں ۔ سپین کی سارا سوریبس ٹورمو‘رومانیہ کی انا بوڈن اور فرانس کی مائرٹلی گورجز میگا ایونٹ کے پہلے رائونڈ میں ہار کر باہر ہو گئیں ۔کیرولینا نے سارا سوریبس کو چھ دو اور چھ صفر سے ہرایا ۔ الینیا ویسنینا نے انا بوڈن کو سات پانچ اور چھ دو سے شکست دی ۔ انگلینڈ کی ہیتھر واٹسن نے آسٹریلیا کی سمانتھا سٹوسر کو چھ تین ‘تین چھ اور چھ صفر سے اپ سیٹ شکست دی ۔ اینا بلینکوا نے لکسمبرگ کی مانڈے منیلا ‘امریکہ کی جینیفر براڈیا اور انگلینڈ کی ماریا ساکاری نے کامیابی حاصل کی ۔