گوجرانوالہ (نمائندہ خصوصی ) طالبعلم نے ڈانٹنے پر طیش میں آکر ٹیچر پر فائرنگ کر دی، ٹیچر معجزانہ طور پر محفوظ رہا۔ بتایا گیا ہے کہ بختے والا کا رہائشی فرسٹ ائیر کا طالبعلم احمد پسرور روڈ پر اکیڈمی میں ٹیوشن پڑھتا ہے جسے ٹیچر شعیب نے گزشتہ روز ڈانٹا تھا اسی رنجش پر احمد اکیڈمی میں پسٹل لیکر آیا اور اس نے ٹیچر پر فائرنگ کر دی تاہم ٹیچر شعیب معجزانہ طور پر محفوظ رہا، تاہم واقعہ کی اطلاع ملنے پر سیٹلائٹ ٹاؤن پولیس نے کارروائی کرتے ہوئے موقع پر پہنچ کر طالبعلم کو حراست میں لیکر اس کے قبضے سے پستول برآمد کر لیا۔