اسلام آباد(نامہ نگار)طیارہ حادثے میں شہید ہونے والے چترال کے ڈپٹی کمشنر اسامہ احمد شہید کی خدمات کے پیشِ نظر پشاور ڈیولپمنٹ اتھارٹی نے پشاور میں تعمیر ہونےوالے چارسدّہ روڈ فلائی اوور ( رنگ روڈ) کا نام ”اسامہ احمد شہید فلائی اوور “ رکھ دیا ہے اور اس سلسلے میں نوٹیفکیشن جاری کردیا ہے۔ تفصےلات کے مطابق چترال کی ترقی اور عوام کی فلاح و بہبود کے پیشِ نظر عوام کی خواہش اور مطالبے پر چترال میں نئے تعمیر شدہ پارک کا نام اسامہ احمد شہید پارک رکھ دیا گیا ہے ۔