راجشاہی رائلز نے کھلنا ٹائیگرز کو شکست دے کر بنگلہ دیش پریمیئر لیگ جیت لی

لاہور(سپورٹس ڈیسک )راجشاہی رائلز نے کھلنا ٹائیگرز کو شکست دے کرساتویں بنگلہ دیش پریمیئر لیگ جیت لی ۔ راجشاہی رائلزنے 4وکٹوں پر 170رنز بنائے ۔ عرفان سکر 35‘محمد نواز41اور آندرے رسل 27رنز بناکر نمایاں رہے ۔ محمد عامر نے دو کھلاڑیوں کوآئوٹ کیا ۔ کھلنا ٹائیگرز کی ٹیم 8وکٹوں پر 149رنز بناسکی ۔ شمس الرحمان 52‘ریلی روسو 37رنز کیساتھ نمایاں رہے ۔ محمد عرفان ‘آندرے رسل اور قمر السلام نے دو دو کھلاڑیوں کو آئوٹ کیا ۔ آندرے رسل کو میچ اور ٹورنا منٹ کا بہترین کھلاڑی قرار دیا گیا ۔