اسلام آباد ( سپورٹس رپورٹر) پاکستان بلیرڈز اینڈ سنوکر ایسوسی ایشن کے زیر اہتمام اور پاکستان سپورٹس بورڈ اور اسلام آباد بلیرڈز اینڈ سنوکر ایسوسی ایشن کے تعاون سے جوبلی انشورنس 12قومی جونیئر انڈر21- سنوکر چیمپیئن شپ جمعہ کے پاکستان سپورٹس کمپلیکس کے پی ایس بی سنوکر ہال میں شروع ہو گئی۔ چیمپیئن شپ کے پہلے روز گذشتہ سال کے قومی جونیئر انڈر18-چیمپیئن شیخ محمد مدثر نے سندھ کے اکرم شمس کو3-0سے شکست دی جس میں انہوں نے دوسرے فریم میں74کی بریک بھی کھیلی جوپہلے روز کی سب سے بڑی بریک تھی۔ دیگر میچز میںپنجاب کے محمد عمرخان نے اسلام آباد کے عمران خان کو3-1سے،پنجاب کے محمد عثمان نے بلوچستان کے علی حیدر کو3-0سے، پنجاب کے فرحان مجید نے سندھ کے محمد سالک کو3-0سے، پنجاب کے محمد احمد نے کے پی کے شیخ احمد کو 3-0سے، پنجاب کے حارث طاہر نے کے پی کے محمد ابرار کو3-0سے،پنجاب کے احسن رمضان نے کے پی کے سجاد عبداللہ کو3-2سے، سابق ورلڈ چیمپیئن نسیم اختر نے پنجاب کے عمر فاروق کو3-1سے،سندھ کے عمر جنید نے بلوچستان کے زاہد خان کو3-1سے ،سندھ کے عارج ارسلان نے کے پی کے اسماہ نواز خان کو3-0سے، کے پی کے کامران البرٹ مسیح نے سندھ کے شہر یار خان کو3-0سے، پنجاب کے محمد شہر یار عباس نے بلوچستان کے عارف حسین کو3-0سے،کے پی کے محمد سلیم نے سندھ کے عبدالوحید کو3-0سے، بلوچستان کے زیب خان نے بلوچستان ہی کے عبدالثنان کو3-0سے، کے پی کے سعود خان نے سندھ کے عمر اسماعیل کو 3-1سے شکست دے دی۔