کراچی میں جمعہ کو رواں سال کا سرد ترین دن

کراچی ( نوائے وقت نیوز)کراچی میں جمعہ کو رواں سال کا سرد ترین دن رہا، محکمہ موسمیات کا کہنا ہے کہ شہر کا کم سے کم درجہ حرارت 7 ڈگری سینٹی گریڈ ریکارڈ کیا گیا۔محکمہ موسمیات کے مطابق آئندہ 24 گھنٹوں کے دوران کراچی کا موسم خشک، سرد اور صبح کے وقت کہر چھائے رہنے کا امکان ہے۔محکمہ موسمیات کا مزید کہنا ہے کہ شہر میں کم سے کم درجہ حرارت 7 ڈگری سینٹی گریڈ رہا ۔محکمہ موسمیات نے یہ بھی بتایا ہے کہ شہر میں ہوائیں معطل ہیں جبکہ فضا میں نمی کا تناسب 43 فیصد ہے۔