لوانڈا(اے پی پی):انگولا کے وسطی صوبہ ہمبو  میں دو گاڑیوں کے درمیان تصادم  کے نیتجے میں 13 افراد ہلاک اور 3 زخمی ہو گئے ہیں۔ چینی خبر رساں ادارے نے انگولا  پولیس کے ترجمان مارٹنہو کویتا سیٹو  کے حوالے سے بتایا ہے کہ  یہ حادثہ گزشتہ رات  ا س وقت پیش آیا جب ایک  ٹویوٹا ہائی ایس وین   اور کِیا ٹورر گاڑی آپس میں ٹکرا گئیں جس کے نیتجے میں وین  میں آگ بھڑک اٹھی اور12  افراد  موقع پر ہلاک  جبکہ  ایک زخمی  شخص نے ہسپتال جا کر دم توڑ   دیا تاہم  3 افراد شدید زخمی ہیں۔ریسکیو ٹیموں نے ہلاک ہونے والے افراد اور زخمیوں کو قریبی ہسپتال منتقل کر ادیا ہے۔ پولس حکام کا کہنا ہے کہ  حادثہ تیز رفتاری کے باعث پیش آیا  ہے۔