گودام پر چھاپہ، خاتون سمیت3 گرفتار، لاکھوں کی ولایتی شراب برآمد

ملتان(خبرنگار خصوصی )پولیس گلگشت  نے منشیات فروشوں کے خلاف بڑی کاروائی کرتے ہوئے گودام پر چھاپہ مار کر خاتون سمیت تین منشیات فروشوں کو گرفتار کرکے ملزمان کے قبضہ سے لاکھوں روپے مالیت  ولایتی شراب کی  144 بوتلیں اور54 کین برامد کرلئے معلوم ہوا ہے کہ پولیس تھانہ گلگشت کے ایس ایچ او راؤ ضیاء الرحمان نے اپنی ٹیم کے ہمراہ مخبر کی اطلاع پر  کارروائی کرتے ہوئے یعقوب خان شراب فروش جو جنوبی پنجاب میں انگلش شراب کی سپلائی کرتا ہے کے گودام پر چھاپہ مار کر 2مرد اور 1ایک خاتون شراب فروش کو گرفتار کرلیا جبکہ یعقوب خان فرار ہوگیا، ملزمان میں ارشاد حسین ، محمد عمران اور شبانہ بی بی شامل ہیں۔پولیس نے دو مختلف مقامات پر نیٹ کیفے پر چھاپہ مار کر فحش فلمیں دیکھنے کے الزام میں 13 افراد کو گرفتار کر لیا معلوم ہوا ہے کہ پولیس تھانہ کینٹ اور پولیس تھانہ جلیل آباد نے دو مختلف مقامات پر نیٹ کیفے پر چھاپہ مارا جہاں پر ساجد، وقار ،بابر ذیشان۔ وسیم۔ وغیرہ نیٹ کیفے میں فحش فلمیں دیکھ رہے تھے جن کو رنگے ہاتھوں گرفتار کر کے مقدمات درج کر لیے گئے۔