خیبرپختونخوا میں 5 روزہ انسداد پولیو مہم تیسرے روز بھی جاری ہے، جس کے تحت 28 لاکھ بچوں کو پولیو قطریں پلانے کا ہدف مقرر کیا گیا ہے۔ایمرجنسی آپریشن سینٹرخیبرپختونخوا کے مطابق مہم کے دوران 5 سال سے کم عمر 28 لاکھ بچوں کو پولیو سے بچاؤ کے قطرے پلائے جائینگے۔مہم کے لئے11 ہزار 464 ٹیمیں تشکیل دے دی گئی ہیں جس میں 9 ہزار 184 موبائل، 700 فکسڈ اور 612 ٹرانٹ ٹیمیں شامل ہیں۔مہم کے دوران 20 ہزار سیکیورٹی اہلکار تعینات رہیں گے۔یاد رہے کہ گزشتہ سال خیبرپختونخوا میں 20 پولیو کیسز سامنے آئے تھے۔