سابق وفاقی وزیرشیخ رشید نے کہا ہے کہ حکمرانوں کی نام نہاد جمہوریت بے نقاب ہوگئی ہے۔
سماجی رابطے کی ویب سائٹ پر اپنے ایک پیغام میں سابق وزیر داخلہ نے اسپیکو قومی اسمبلی کی جانب سے پی ٹی آئی رہنماؤں کے استعفوں کی منظوری پر اپنے خیالات کا اظہار کیا ہے۔
عمران خان نےاسمبلیوں میں جانےکا نام لیا توان کےچھکےچھوٹ گئےاور حکومت نے35ممبروں کا استعفیٰ الیکشن کمیشن سےمنظور کراکےخود کومزید گندہ اورپراگندہ بنادیا ہےحکمران جو مرضی چال چل لیں حالات کی سنگینی ایسی ہےکہ الیکشن کےسوا کوئی چارہ نہیں ہےجمعرات کولندن میں پریس کانفرنس سےخطاب کروں گا
— Sheikh Rashid Ahmed (@ShkhRasheed) January 18, 2023
انہوں نے کہا ہے کہ عمران خان نے اسمبلیوں میں جانے کا نام لیا توان کے چھکے چھوٹ گئے اور جو اسپیکر کہتا تھا کہ میں ایک ایک کا استعفیٰ منظور کروں گا اس نے 35 استعفے منظور کر کے نن لیگ کی خوفزدہ قیادت کو بے نقاب کر دیا ہے۔انہوں نے مزید کہا کہ حکومت نے 35 ممبروں کا استعفیٰ الیکشن کمیشن سے منظور کروا کے خود کو مزید گندہ بنادیا ہے۔
— Sheikh Rashid Ahmed (@ShkhRasheed) January 18, 2023
شیخ رشید کا کہنا تھا کہ جس طرح ملک تباہی کی طرف جارہا ہے اگر بروقت قدم نہ اٹھایا تو یہ ملک بدنظمی اور معاشی تباہی کی طرف چلا جائے گا۔
ان کا کہنا تھا کہ حکمران جو مرضی چال چل لیں حالات کی سنگینی ایسی ہے کہ الیکشن کےسوا کوئی چارہ نہیں ہے۔
اس سے قبل اپنے ایک پیغام میں شیخ رشید نے کہا کہ ملک معاشی طور پر دیوالیہ پر پہنچ چکا ہے اور حکمرانوں کو اپنی عیاشیوں سے فرصت نہیں ہے. غریب کی فاقہ کشی حکمرانوں کی موج مستی ملک میں تصادم کرائے گی۔
ملک معاشی طورپردیوالیہ پرپہنچ چکاہےحکمرانوں کواپنی عیاشیوں سےفرصت نہیں ہےچندہفتوں میں سیاست میں ہمہ گیر تبدیلیاں آسکتی ہیں13سیاسی جماعتوں کابھان متی کاکنبہ اپنی سیاسی موت مررہا ہےاور یہ پاکستان کوبھی اپنی لپیٹ میں لےرہاہےغریب کی فاقہ کشی حکمرانوں کی موج مستی ملک میں تصادم کرائےگی
— Sheikh Rashid Ahmed (@ShkhRasheed) January 17, 2023
انہوں نے کہا کہ چند ہفتوں میں سیاست میں ہمہ گیر تبدیلیاں آسکتی ہیں. 13 سیاسی جماعتوں کا بھان متی کا کنبہ اپنی سیاسی موت مررہا ہے اور یہ پاکستان کو بھی اپنی لپیٹ میں لے رہا ہے۔
