چیف الیکشن کمشنر کے نام سے  جعلی واٹس ایپ اکاؤنٹ کا انکشاف 

اسلام آباد (نیٹ نیوز) چیف الیکشن کمشنر سکندر سلطان راجہ کے نام سے جعلی واٹس ایپ اکاؤنٹ کا انکشاف ہوا ہے۔ ترجمان الیکشن کمشن کے مطابق جعلی اکاؤنٹ میں چیف الیکشن کمشنر کا نام اور تصویر استعمال کی گئی ہے۔ ترجمان الیکشن کمشن نے کہا ہے کہ عوام جعلی پیغامات اور جھوٹے پروپیگنڈے سے ہوشیار رہیں۔ ترجمان الیکشن کمشن نے کہا ہے کہ عوام چیف الیکشن کمشنر سے منسوب جعلی واٹس ایپ اکاؤنٹس اور پروپیگنڈا نظر انداز کریں۔