آل راﺅنڈر محمد حفیظ ویانامیں ہوائی جہاز اڑانے لگے

لاہور(سپورٹس رپورٹر+نمائندہ سپورٹس)آل راﺅنڈر محمد حفیظ آج کل آسٹریا میں فیملی کےساتھ موجود ہیں اور تصاویر سوشل میڈ یا پر شیئر کر رہے ہیں۔ ٹوئٹر پر محمد حفیظ نے بیٹے کو ساتھ بٹھا کر جہاز اڑانے کی ویڈیوز شیئر کی تو سوشل میڈیا پر تہلکہ مچ گیا۔ویڈ یو میں دیکھا جا سکتا ہے کہ محمد حفیظ پائلٹ کی سیٹ پر بیٹھ کر جہاز اڑا نے کے لیے تیاری پکڑ رہے ہیں جبکہ ان کا بیٹا پیچھے والی سیٹ پر بیٹھ کر دلچسپ سفر کے لیے روانہ ہونے سے قبل بہت زیادہ پرجوش دکھائی دے رہا ہے۔ ویڈیو کےساتھ محمد حفیظ نے کہا کہ روشان کو یہ سفر بہت اچھا لگا اور اس نے اس سفر کو اپنی زندگی کا سب سے بہترین تجربہ قرار دیا ہے ،ایک اور ویڈیو میں دیکھا جا سکتاہے کہ کئی ہزارفٹ کی بلندی پر محمد حفیظ نے اپنی ویڈیو بھی بنائی۔