عمران 300 ڈیم بنانے میں ناکام رہے تنقید کرو تو گالیاں دیتے ہیں، الیکشن کمشن نوٹس کیوں نہیں لیتا : شیرپاؤ

پشاور (نوائے وقت رپورٹ+بیورو رپورٹ) قومی وطن پارٹی کے سربراہ آفتاب شیرپاؤ نے کہا ہے عمران خان 300 ڈیم بنانے میں ناکام رہے۔ تنقید کرو تو عمران خان اور ان کے لوگ گالیاں دیتے ہیں۔ الیکشن کمشن کیوں نوٹس نہیں لیتا؟ بیورو رپورٹ کے مطابق پریس کانفرنس سے خطاب کرتے ہوئے انہوں نے ملک میں جاری دہشت گردی کی لہر پر تشویش کا اظہار کرتے ہوئے کہا کہ نگران حکومت اپنی ذمہ داریاں پوری کرنے میں ناکام دکھائی دے رہی ہے۔اس موقع پر پی ٹی آئی کے ضلعی ممبر اور چیئرمین سپورٹس کمیٹی ضلع چارسدہ میاں سید جان باچہ، اسلام گل لالا ، اختر علی خان اور سعید عادل جان نے اپنے سینکڑوں ساتھیوں اور خاندانوں سمیت قومی وطن پارٹی میں باضابطہ طور پر شمولیت کا اعلان کیا۔