ریحام خان کی کتاب میں شاہ رخ خان کی تعریفیں ٗبھارت میں بھی تجزیئے شروع

نئی دہلی (این این آئی)پاکستان تحریک انصاف کے چیئرمین عمران خان کی سابق اہلیہ، صحافی و اینکر ریحام خان کی حال ہی میں آن لائن فروخت کے لیے پیش کی گئی کتاب پر بھارت میں بھی تجزیئے شروع کر دیئے گئے ۔ بھارتی نشریاتی ادارے کے مطابق ریحام خان نے اپنی کتاب میں جہاں اپنے سابق شوہر عمران خان کا خصوصی ذکر کیا ہے، وہیں انہوں نے دیگر مردوں سے متعلق بھی باتیں لکھی ہیں۔ رپورٹ کے مطابق ریحام خان کی 445 صفحات پر مبنی سوانح حیات میں بولی وڈ رومانس بادشاہ شاہ رخ خان کا ذکر بھی کیا گیا ۔رپورٹ کے مطابق ریحام خان نہ اپنی کتاب میں شاہ رخ خان کی تعریف کرتے ہوئے انہیں منکسر مزاج انسان قرار دیا۔ریحام خان نے شاہ رخ خان کے ساتھ 2008 میں لندن میں گزارے گئے لمحات اور ان کے ساتھ ایک اشتہار میں کام کرنے کا ذکر کرتے ہوئے بتایا کہ بولی وڈ اداکار ایک متوسط طبقے سے تعلق رکھنے والے تعلیم یافتہ شخص ہیں۔ریحام خان نے لکھا کہ انہوں نے شاہ رخ خان کے ساتھ ایک برطانوی ہیلتھ فرم ‘ڈونٹ ڈلے، کلیم ٹوڈے’ کے ایک اشتہار میں کام کیا۔ریحام خان کے مطابق اس اشتہار کا مقصد برطانیہ میں موجود بھارتی و پاکستانی افراد کو روڈ حادثات کے بعد پیش آنے والے قانونی مسائل میں مدد فراہم کرنے سے متعلق معلومات فراہم کرنا تھا،