گیس سلنڈرپھٹنے سے2 بچوں سمیت 3 افراد زخمی‘غبارے فروش گرفتار

ساہوکا(نامہ نگار)گیس سلنڈرپھٹنے سے2 بچوں سمیت3 افراد زخمی،غبارے فروش گرفتار۔تفصیلات کے مطابق ساہوکا چشتیاں روڑ آڑھٹ حاجی منشاء ساہوکا کے سامنے بھرے بازار میں دیوان صاحب کا رہائشی جھگی بان مختیار اپنی بیوی ٹوانی بی بی کے ہمراہ ریڑھی پرخطرناک گیس کا سلنڈر لوڈ کرکے اسی محلہ کے بچوں محمدفیصل ملاح اور بچی تعظیم فاطمہ دخترمحمد جاوید موچی کوگیس بھر کر غبارے فروخت کررہا تھا کہ اسی دوران گیس سلنڈر اچانک پھٹ گیا اور وہاں پر موجود اسکی بیوی ٹوانی بی بی،غبارے خرید کرنے والے بچے فیصل اور تعظیم فاطمہ شدید زخمی ہوگئے پولیس حسب روائیت دو گھنٹے تاخیر سے وقوعہ پر پہنچی،ساہوکا پولیس نے مقدمہ درج کرکے غبارہ فروش کو گرفتار کرلیاہے۔