اسلام آباد ( سپیشل رپورٹ) پاکستان میں آسٹریلوی ہائی کمشنر ڈاکٹر جیفری شا ہ نے کہا ہے کہ انھیں پاکستان کی موسیقی سے بڑا لگائو ہے، یہ دل موہ لینے والی موسیقی ہے۔ اپنے ٹویٹ میں آسٹریلوی ہائی کمشنر نے معروف میوزک گروپ کوک سٹوڈیو میں شامل فنکاروں کی بڑی تعریف کی۔ آسٹریلوی ہائی کمشنر نے اپنے ٹویٹ میں چند مقبول گانوں کا بھی ذکر کیا جو کوک سٹوڈیو کے فنکاروں نے گائے ہیں، ان میں ’’آ جا رے میرے ساجن‘‘، عارف لوہار کا الف اللہ اور معروف قوامی ’’ تاجدارِ حرم‘‘ کیلئے بھی پسندیدگی کا اظہار کیا ہے۔