مانچسٹر ٹیسٹ: سٹوکس اور ڈوم سبلے کی سنچریاں‘انگلینڈنے 469پر اننگز ڈیکلیئر کردی

ملتان(سپورٹس ڈیسک)اولڈ ٹریفورڈ گرائونڈ میں جاری اانگلینڈ اور ویسٹ انڈیز کے درمیان کھیلے جارہے دوسرے ٹیسٹ میچ کے دوسرے روز میزبا ن ٹیم نے پہلی اننگز میں ڈوم سبلے اور بین اسٹوکس کی شاندار بیٹنگ کی بدولت اپنی پوزیشن مستحکم کر لی ۔ ویسٹ انڈیز کے خلاف پہلی اننگز میںانگلینڈ نے دوسرے دن کے کھیل کا آغاز 3کھلاڑی آئوٹ 207رنز سے کیا ۔ڈوم سبلے 120رنز جبکہ بین سٹوکس نے شاندار بیٹنگ کا مظاہر ہ کرتے ہوئے 176رنز بناکرآ ئوٹ ہو گئے ۔اولی پوپ 7رنز ،کرس ووکس صفر پرآؤٹ ہو ئے۔یوں انگلینڈ نے469 رنز پر اننگز ڈیکلیئر کردی۔ویسٹ انڈیز کے روسٹن چیس نے شاندارباؤلنگ کا مظاہرہ کرتے ہوئے 5کھلاڑیوںکو پویلین کی راہ دکھائی۔