دوسرا ٹیسٹ : سبلی ‘بین سٹوکس کی سنچریاں ‘انگلینڈ کی پوزیشن مضبوط

لاہور(سپورٹس ڈیسک) انگلینڈ کے ڈوم سبلی اور بین سٹوکس کی سنچریاں ‘ویسٹ انڈیز کیخلاف دوسرے ٹیسٹ میچ میں میزبان ٹیم نے پوزیشن مضبوط کرلی ۔مانچسٹر میں کھیلے جارہے میچ کے دوسرے دن دونوں کھلاڑیوں نے کھیل کا آغاز کیا ۔ ڈوم سبلی نے سنچری 312گیندوں پر مکمل کی اور 120رنز بناکر آئوٹ ہوئے ۔ بین سٹوکس نے سنچری 255گیندوں پر مکمل کی ۔وہ 176رنز بناکر آئوٹ ہوئے ۔پوپ سات ‘کرس ووکس صفرپر چلتے بنے ۔ روسٹن چیز نے چار‘کیمار روئچ نے دو جبکہ جوزف نے ایک کھلاڑی کو آئوٹ کیا۔ انگلینڈ نے سات وکٹوں پر396رنز بنا لئے تھے ۔