ممنون حسین مرحوم کی ملکی خدمات کو ہمیشہ یاد رکھا جائیگا: اعجاز احمد شاہ

ننکانہ صاحب (نما ئندہ خصوصی)سابق صدر ممنون حسین مرحوم کی ملکی خدمات کو ہمیشہ یاد رکھا جائے گا۔ وفاقی وزیر انسداد منشیات اعجاز احمد شاہ نے ننکانہ میں صحافیوں سے گفتگو کرتے کہا کہ سابق صدر ممنون حسین مرحوم ایک اچھے اخلاق کے مالک تھے جنہوں نے اپنے فرائض منصبی احسن طریقے سے سر انجام دیئے جن کی ملکی خدمات کو ہمیشہ یاد رکھا جائے گا اللہ تعالیٰ سے دعا ہے کہ ان کی مغفرت فرما کر درجات کو بلندی کے ساتھ ساتھ لواحقین کو صبر جمیل عطا فرمائے۔