لاہور/فیروز والا(وقا ئع  نگار +نامہ نگاران ) کرنٹ لگنے کے مختلف واقعات میں5 افراد زندگی کی بازی ہار گئے ، بھاگٹانوالہ کا الیکٹریشن بجلی کی تار ٹھیک کرتے ہوئے ہائی وولیٹج لائن سے چھونے سے زندگی کی بازی ہار گیا ،محمد آصف الیکٹریشن عباس کالونی میں گھر کی چھت پر بجلی کی تار درست کر رہا تھا کہ قریب سے گزرنے والی ہائی وولیٹج کی لائن سے چھو گیا ، دریں اثنا  اوکاڑہ کے علاقے منڈی احمد آباد میں مدرسہ کی چھت پر کام میں مصروف محنت کش 11ہزار وولٹیج کی ہائی ٹرانسمیشن لائن کی تاروں کوچھوکر موقع پر چل بسا ۔فیروز والا میں رانا ٹائون کے علاقے میں فیکٹری ملازم عثمان کرنٹ لگنے سے بے ہوش ہوگیا ،ہسپتال منتقل کیا گیا لیکن جانبر نہ ہوسکا، زمیندار نوید احمد کھیتوں میں ٹریکٹر پر ہل چلا رہا تھا کہ بجلی کی تار ٹوٹ کر اس پر آگری اور موقع پر چل بسا ۔لاہور وقائع نگار کے مطابق رائیونڈ میں فیکٹری ملازم توصیف پانی کی موٹر ٹھیک کر رہا تھا‘ کرنٹ لگنے سے موقع پر ہی ہلاک ہو گیا۔