لاہور(سپورٹس رپورٹر)قومی ٹیسٹ کرکٹر اظہر علی نے کہا ہے کہ دورہ ویسٹ انڈیز ہمیشہ سے ہی چیلنجنگ رہا ہے۔ ویسٹ انڈین ہوم گراؤنڈ پر آسان حریف ثابت نہیں ہوتے۔ نیشنل ہائی پرفارمنس سینٹر کے کوچز کیساتھ اچھی پلاننگ کی ہے۔ لمبی اننگز کھیلنے کے سٹیمنا بڑھانے کی بھرپور کوشش کی ہے۔قومی ٹیم کے سپنر نعمان علی نے کہا ہے وہ دورہ ویسٹ انڈیز اپنے لیے کامیاب بنانے کی کوشش کریں گے۔ ویسٹ انڈیز میں ڈیوک کی گیند استعمال ہوگی، اس وجہ سے اسی گیند سے بائولنگ پریکٹس کی۔سپنر نعمان علی نے یہ بھی کہا کہ کیمپ میں ثقلین مشتاق اور مشتاق احمد سے بہت کچھ سیکھنے کا موقع ملا۔