لاہور(وقائع نگار)مزنگ میں بیٹے نے توے سے وار کر کے بوڑھی والدہ کو قتل کردیا‘ پولیس نے ملزم کو گرفتار کرلیا ۔ ذرائع کے مطابق صفاں والا چوک کے رہائشی وسیم کا اپنی بیوی سے جھگڑا ہوا تو ماں نے بیچ بچائو کرواتے ہوئے بیٹے کو ڈانٹ ڈپٹ کی جس سے طیش میں آکر بیٹے وسیم نے بوڑھی والدہ ولایت بی بی کو قریب ہی پڑے توے سے وار کر کے قتل کردیا اور فرار ہو گیا ۔اطلاع ملنے پر مزنگ پولیس نے نعش قبضہ میں لیکر وسیم کے والد رمضان کی درخواست پر مقدمہ درج کرلیا اور وسیم کو بھاٹی گیٹ میں ایک عزیر کے گھر سے گرفتار کر کے تفتیش شروع کردی ہے