قلعہ دیدار سنگھ(نامہ نگار) مین حافظ آباد روڈ پر واقع نقد اور اقساط پر گھریلو سامان فروخت کرنے والی نجی الیکٹرونکس شاپ میں شارٹ سرکٹ کے باعث آگ بھڑک اٹھی آگ نے دیکھتے ہی دیکھتے پوری عمارت کو اپنی لپیٹ میں لے لیا آگ کی شدت سے ملحقہ عمارتوں کو بھی نقصان پہنچا ریسکیو عملہ کے پہنچنے سے پہلے شہری روڈ پر کھڑے پانی سے آگ بجھاتے رہے ریسکیو عملہ نے ایک گھنٹہ آپریشن کے بعد آگ پر قابو پالیا، آپریشن میں فائر برگیڈ کی چار گاڑیوں نے حصہ لیا آگ لگنے کے باعث دوکان میں لاکھوں روپے مالیتی الیکٹرونکس اشیاء جل کر خاکستر ہوگئیں تاہم کوئی جانی نقصان نہیں ہوا۔