قسنگدل بیٹے نے عمر رسیدہ باپ کو موت کے گھاٹ اتار دیا

مبر علی خان(نامہ نگار) قمبر کے نزدیک سنگدل بیٹے نے اپنی پسند کی شادی نہ کرانے پر اپنے عمر رسیدہ والد کو کلہاڑیوں کے وار کرکے بیدردی سے موت کی گھاٹ اتاردیا اور واقعے کے فرار ہوگیا ۔ تفصیلات کے مطابق قمبر کی دوست علی پولیس تھانے کی حدود کے گاؤں آباد کلہوڑو میں نوجوان بیٹے حمزہ علی عرف بابن کلہوڑو نے اپنی پسند کی شادی نہ کرانے پر اپنے 60 سالہ عمر رسیدہ والد محمد کلہوڑو سے سخت ناراض اور مشتعل ہوکر ان کو کلہاڑیوں کے پے درپے وار کرکے موقع پر قتل کردیا اور واقعے کے بعد فرار ہوگیا اطلاع ملنے پر حد کی دوست علی پولیس نے مقتول محمد کلہوڑو کا لاش اپنی تحویل میں لیکر سول اسپتال قمبر منتقل کیا جہاں سے پوسٹ مارٹم کے بعد ورثاء کے حوالے کیا گیا جو گاؤں پہنچا تو سخت کہرام برپا ہوگیا بیٹے کے ہاتھوں اپنے والد کے قتل پر علاقے میں سوگ کا ماحول پیدا ہوگیا آخری اطلاعات تک واقعے کا مقدمہ متعلقہ پولیس تھانے میں درج  نہیں ہوا تھا ۔