بابراعظم کے انٹرنیشنل کرکٹ میں 10 ہزار رنز مکمل 

لاہور(سپورٹس رپورٹر) قومی ٹیم کے کپتان بابراعظم نے انٹرنیشنل کرکٹ میں 10 ہزار رنز مکمل کرنے کا اعزاز اپنے نام کرلیا۔ بابراعظم نے جاویدمیاندادکاریکارڈتوڑدیاوہ پاکستان کی جانب سے تیزترین 10ہزاررنز مکمل کرنے والے بلے باز بن گئے ہیں۔تمام فارمیٹس میں قومی ٹیم کی کپتانی کے فرائض سرانجام دینے والے بابراعظم نے انٹرنیشنل کیرئیر میں محض 228 اننگز میں 10 ہزار رنز مکمل کرنے کا اعزاز اپنے نام کیا۔ انہوں نے سری لنکا کے خلاف گال ٹیسٹ میں 21 رنز بنانے کیساتھ یہ سنگ میل عبور کیا۔پاکستان کرکٹ ٹیم کے کپتان بابراعظم نے ٹیسٹ کرکٹ میں 2ہزار 875، ون ڈے انٹرنیشنل میں 4ہزار 442 اور ٹی20 کیرئیر میں 2ہزار 686 رنز بنائے ہیں۔اس سے قبل جاوید میانداد نے 248، سعید انور 255، محمد یوسف 261، انضام الحق 281، یونس خان 284، مصباح الحق 286، سلیم ملک 309، محمد حفیظ 328، شعیب ملک 358 اور شاہد آفریدی نے 441 اننگز میں 10 ہزار رنز بنانے کا اعزاز اپنے نام کیا تھا۔قبل ازیں بابراعظم ٹی20 فارمیٹ کی تاریخ میں سب سے زیادہ دنوں تک ٹاپ پوزیشن حاصل رکھنے کا ایک اور ریکار اپنے نام کرچکے ہیں۔بابراعظم نے سری لنکا کے خلاف سنچری کے ساتھ پاکستان کی جانب سے بطور کپتان 70 اننگز میں سب سے زیادہ 9 سنچریاں بنانے کا ریکارڈ بنایا ہے۔سابق کپتان انضمام الحق نے 131 اننگز میں 9 سنچریاں بنائی تھیں۔مصباح الحق نے 189 اننگز میں 8 اور عمران خان نے بطور کپتان 186 اننگز میں 6 سنچریاں بنائی تھیں۔