چیف آف آرمی سٹاف کلب ہاکی چیمپئن شپ ‘مزید 4میچوں کا فیصلہ 

لاہور(سپورٹس رپورٹر) پہلی چیف آف آرمی سٹا ف کلب ہاکی چیمپئن شپ میں مزید چار میچوں کافیصلہ ہو گیا ۔ایونٹ کے نویں میچ میںکے کے کلب فیصل آباد نے سندھ کلب کو سخت مقابلے کے بعد چار کے مقابلے میں پانچ گول سے شکست دیدی ۔ دسویں میچ میں علی امیر کلب سرگودھا نے جناح کلب اسلام آباد کو چار کے مقابلے میں پانچ گول سے ہرا دیا ۔ گیارہویں میچ میں رانا ظہیر کلب لاہور نے بجلی گھر روڈ ریڈ کلب مردان کو ایک کے مقابلے میں چار گول سے زیر کر لیا ۔ بارہویں میچ میں سول کوارٹر کلب پشاور نے آصف باجوہ کلب سیالکوٹ کو دو ایک سے شکست دیدی ۔