پاکستان عالم اسلام کا سرمایہ ، استحکام اور سلامتی کیلئے ہر وقت دعا گو ہیں، ڈاکٹر الشیخ ایاد شکری 

اسلام آباد(وقائع نگار)مسجد نبویؐ کے سینیئر موذن ڈاکٹر الشیخ ایاد شکری نے کہا ہے کہ پاکستان عالم اسلام کا سرمایہ ہے۔پاکستان کے استحکام اور سلامتی کے لیے ہر وقت دعا گو ہیں۔ان خیالات کا اظہار انھوں نے معروف اسکالر، تحریک دفاع حرمین شریفین کے رہنماء پروفیسر حافظ سجاد قمر سے اپنے گھر میں خصوصی ملاقات کے دوران کیا۔اس موقع پر ملک محمد ندیم کوہستانی،محمد خان ڈھانڈلہ فہد نسیم  اور مرزا سلطان بھی موجود تھے۔پروفیسر سجاد قمر نے کامیاب حج آپریشن پر خادم الحرمین الشریفین شاہ سلمان بن عبدالعزیز اور ولی عہد سمو الامیر محمد بن سلمان بن عبدالعزیز کو مبارک باد دی اور کہا کہ حج کے لیے بہترین انتظامات کیے گئے۔انھوں نے حرمین شریفین انتظامیہ کے سربراہ الشیخ عبدالرحمن السدیس کو بھی حرمین شریفین میں مثالی انتظامات پر مبارک باد دی۔پروفیسر سجاد قمر نے کہا کہ پاکستان اور سعودی عرب کے درمیان مثالی تعلقات ہیں۔حرمین شریفین سے پاکستان کی سلامتی اور ترقی کی دعائیں ہمارے لیے سرمایہ ہیں۔موجودہ سعودی حکومت نے حرمین شریفین کی تاریخی توسیعی کی ہے۔