کراچی(آئی این پی)بھارتی ایئر لائن کے ایک اور طیارے نے فنی خرابی کے باعث پاکستان میں ہنگامی لینڈنگ کی،پاکستان سول ایوی ایشن (سی اے اے)ذرائع کے مطابق بھارت کی نجی ایئر لائن کا طیارہ بھارتی شہر حیدر آباد سے شارجہ کے لیے روانہ ہوا تھا کہ فنی خرابی کے باعث اسے کراچی ایئرپورٹ پر ہنگامی لینڈنگ کرنا پڑی،ایئر انڈیگو کے جہاز اے ٹی سی سے اجازت کے بعد جناح انٹرنیشنل ائرپورٹ پر صبح 7:30پر اترا، جہاز کے انجن میں خرابی ہو گئی تھی۔ طیارے کے کپتان نے کراچی میں ہنگامی لینڈنگ کی اجازت مانگی اور اجازت ملنے پر بھارتی نجی ایئر لائن کے طیارے کے کپتان نے طیارے کو بحفاظت کراچی ایئرپورٹ پر اتار لیا،مذکورہ بھارتی طیارے میں 186 مسافر سوار تھے جنہیں ٹرانزٹ لانج میں رکنے کی اجازت دی گئی۔ اب متبادل جہاز مسافروں کو لینے کے لیے احمد آباد سے کراچی کے لیے روانہ ہو گا۔
ہنگامی لینڈنگ